top of page

.

Conflict of Interest

Featured Posts
what-is-a-conflict-of-interest-give-me-s
Check back soon
Once posts are published, you’ll see them here.

Ole faama'i lenei e ta'ua ole CONFLICT OF INTEREST po'o le SOOTAGA VA VA LALATA OSE TOFIGA a faaupu i seisi faaupuga faafaigofie, ua avea tofiga (ile Malo...poo se ekalesia poo se matagaluega) a se tasi ma auala ua faamanuiaina ai o ia lava ma lona aiga e ala i galuega poo avanoa ua taofi tasi lava e ia mo ona lava aiga ma uo. O leisi tulaga e iloa ai ua iai lea faama'i i se atunuu ua va va lalata tele vaega taua o se Matagaluega oloo uu tasi e nisi e aiga ia tofiga va va lalata o lea matagaluega ma faigofie ai ona latou faia se tulaga le fetaui i lea matagaluega ae leaga ua pupuni e o latou lava tagata oloo va va lalata i tofiga nei, le aliali a'e o ni faaletonu. O se faama'i ua matua i malosi tele i Samoa lea tulaga. O se faama'i e mafai ai e nisi oloo faipisinisi ona latou aumai a latou oloa ma ui atu i totonu ole Malo Samoa e aunoa ma le totogiina o tiute poo tau o oloa nei e pei ona mana'omia e tulafono faalemalo, aisea? Ona e aiga pe faauo le Minisita poo le pule o lea matagaluega ma ia tagata. O le avanoa lenei ua aveesea ai e lea masaniga se vaega tupe tele ua tatau ona oo i le Malo ae ua 'ae'ae ai lea tagata faipisinisi poo se kamupani ona o le mafutaga mafana o loo ua iai i le va lea. Soo se taimi ete va'ai ai ua tula'i mai se tagata e aiga i seisi tagata i totonu o faiga malo, o iina e tatau ai ona masalomia ua tula'i mai ai lea faama'i i le va lea. Aisea? Aua ua tele ma faula'i tala ma faamaoniga o nei tulaga le fetaui ua tutupu i le lalolagi ona ua tumu se matagaluega a le Malo i se aiga e tasi poo ni faiga uo, poo nisi e ekalesia faatasi...a tumu ai loa se matagaluega poo se tofiga o se atunuu i nisi e iai se sootaga mafana faapea, ona iai lea o le masalosaloga...ole a tupu mai ai se tulaga e manuia ai na'o ia tagata ae tuu le galuega poo le tiute sa alai ona tofia latou latou te faia ia tofiga i totonu ole Malo. O fea se faata'ita'iga maoa'e oloo tatou va'aia ai lea faama'i i Samoa? I totonu o le vaega lea ole Malo o Samoa oloo vaaia ai tupe ma tala o tupe a le Malo o Samoa. Oloo tula'i mai ai le Palemia o Tuilaepa Malielegaoi ile tofi. O le CEO of Finance Department poo le Pule ole Matagaluega o Tupe o LEASIOSIOFAASISINA OSCAR MALIELEGAOI, o lona lava atalii. A ole Controller/Auditor General o Samoa poo le Su'etusi ole Malo e na te faailoaina mai le tala ole tupe a le Malo o Fuimaono Mata’afa Papali’i C.G Afele Taimalelagi ole faiava i le aiga o le Palemia poo le Son in Law ole Palemia. Se'i tatou taga'i la ile tele o feuiaiga ua fesoota'i ai nei le faaogaina o le tupe a Samoa i lea lava aiga e tasi. Ua tula'i mai le Palemia e pulea pe na te faafoeina uma galuega fai i le atunuu, ua sosoo atu ai ma lona atalii e fai ma Pule o le Matagaluega o Tupe ae pito atu iai ma lona Son in Law e fai ma Su'etusi aoao ole Malo. I soo seisi lava malo o le Lalolagi e te le va'aia ai se tulaga matilatila faapea ua pulea uma ai e se aiga e tasi vaega tau tupe o se Malo. Ae na'o Samoa lava lea ua tula'i mai ai se tulaga faapea. E matua i ofo ai le loto ma faailoa mai ai le valelea o le Palemene ina ua latou faatagaina lea tulaga. E faapefea ona le iai se masalosaloga i lea tulaga ona ua taofia e lea aiga e suafa ia Malielegaoi le faaogaina o tupe a Samoa faatasi ai ma le su'etusi aoao ole Malo o ia na te ripoti maia poo afaina le tupe a Samoa ma auala na faaogaina ai le tupe ole atunuu. O lea ua tuu tasi lava i nei alii e aiga ma fesoota'i i le latou lava aiga, lenei matafaioi ole va'aiga o tupe o si o tatou atunuu. Se Samoa ua lava lea faavalevalea. Ala maia.

Recent Posts
Archive
Search By Tags
No tags yet.
Follow Us
  • Facebook Basic Square
  • Twitter Basic Square
  • Google+ Basic Square
bottom of page